தூத்தான்காமூனின் முகம்

 உலக தொல்லியல் அகழாய்வுகளில் சிறப்பிடம் பெறுகின்ற அகழாய்வுகளில் ஒன்று எகிப்தின் இளம் ஃபாரோ தூத்தான்காமூனின் ஈமச்சடங்கு கல்லறையும் மம்மியும்.  தங்க முலாம்பூசப்பட்ட பெட்டியில்  தங்கத்தாலான ஏராளமான பரிசுப்பொருட்களுடனும் தேருடனும் தங்கத்தால் போர்த்தப்பட்ட முகமூடியுடன் மம்மியாக்கப்பட்ட தூத்தான்காமூனின் உடல் கண்டுபிடிக்கப்பட்டபோது இறந்த சமயத்தில் அவனது முகத்தோற்றம் எவ்வாறு இருந்திருக்கும் எனத் தெரியாமல் இருந்தது.

ஆனால் இப்போது தொழில்நுட்பம் அம்முகத்தை அடையாளம் காண வாய்ப்பைத் தந்துள்ளது. இந்த புகைப்படத்தில் உள்ள 3டி  வடிவம்  கி.மு 1323 காலவாக்கில் இறந்து போன தூத்தான்காமூனின் முகத்தைக் காட்டுகிறது. பேரரசன் அக்னதோன் மறைந்த பின்னர் அவனது மகன் 9 வயதே நிரம்பிய தூத்தான்காமுன் மன்னராக முடிசூட்டப்பட்டான். ஆனால் அவனும் ஆட்சிக்கு வந்த 10 ஆண்டுகளில் இறந்து போனான். அவனது மம்மியின் மீது மேற்கொள்ளப்பட்ட  ஆய்வில் அவனது இறப்பு ஒரு கொலையாகவும் இருக்கலாம் என்பது ஆய்வாளர்களின் கருத்தாகவும் உள்ளது .  

கம்பியூட்டர் டோமோக்ராஃபி வழி தூத்தான்காமூனின் முகப்பகுதி ஸ்கேன் செய்யப்பட்டு க்ராஃபிக்ஸ் மென்பொருள் தொழில்நுட்பம் வழி தூத்தான்சாமூனின் முகம் அடையாளப்படுத்தப்பட்டுள்ளது. ஆண்டுகள் பல கடந்தாலும் இறந்தவர் முகங்களை அடையாளம் காண தொழில்நுட்பம் இன்று வாய்ப்பளிக்கின்றது. 

நன்றி: https://www.archaeology.org/news/11492-230608-tutankhamun-facial-approximation

-சுபா