என் வீட்டுத் தோட்டத்தில்

இன்று மேலும் ஒரு புது வகை மலர்.

இது ரோடடெண்ட்ரோன் (Rhododendron) என அழைக்கப்படுவது. இப்பெயர் பழங்கால க்ரேக்க மொழிச் சொல்.

இந்த வகைச் செடியில் 1000க்கும் மேற்பட்ட வகைகள் உண்டென்று விக்கியில் தகவல் உள்ளது. பல வர்ணங்களில் இவை ஐரோப்பாவின் பல நகரங்களில் காணக்கிடைக்கும் ஒரு செடி. வெயில் அதிகம் இருக்கும் கிழக்கு தெற்கு ஐரோப்பிய நாடுகளிலும் கெனரி தீவுகளிலும் இதனை 2 அடி உயரத்திற்கும் மேற்பட்ட வடிவில் காணலாம். என் வீட்டில் இருக்கும் வகை 1 அடி உயரம் மட்டுமே உள்ளது.

மொட்டும் மலர்ந்த பூங்கொத்துமாக

இந்தச் செடி ஏறக்குறைய 6 வருடங்களாக என் தோட்டத்தில் உள்ளது. வருடத்தில் ஒரே ஒரு முறை மட்டுமே பூக்கும். ஏப்ரல் இறுதி அல்லது மே ஆரம்பத்தில் பூக்கின்ற மலர்கள் ஜூன் மாதம் பாதி வரை இருக்கும் பின்னர் செடி மட்டும் இலைகளுடன் காட்சியளிக்கும். செடி முழுதும் மலர் வணம் போல காட்சி தரும்.

பூத்திருப்பவை அனைத்துமே ஒரே செடியில் பூத்தவை தாம்

சுபா